నన్ను నడిపించు

నన్ను నడిపించు ...

---------------------

ఏది బంధం ?

నీ నుంచి దృష్టి మరల్చే భ్రాంతే బంధం 

ఏది ప్రేమ?

నీ బిడ్డలపై నీకున్న వాత్సల్యమే ప్రేమ 

ఏది నడత ?

నీ సృష్టిని నొప్పించని విజ్ఞతే నడత 

ఏది బలిమి ?

నీవే రక్ష అన్న మహావిశ్వాసమే బలిమి 

ఏది ఆనందం ?

నీవే అన్నీ అని తెలియడమే ఆనందం 

ఏది ధర్మం ?  

నీ దరికి దారి చూపే దీపమే ధర్మం 

ఏది మార్గం ?  

నీ పాదధూళి పరచిన పధమే మార్గం 

ఏది గమ్యం ?

నీలో ఐక్యమయ్యే గమనమే గమ్యం 

పరమాత్మా !

చలించే నా మనసుని నీవైపే అదిలించి, 

తడబడే నా అడుగుల్ని నీకేసే మళ్ళించి,

బాహ్య తమస్సు నుంచి అంతః తపస్సులోకి,

సంబంధాల సంకెళ్ళు తెంచే ఆత్మజ్యోతిస్సులోకి,

నీ దివ్యపధమనే అలౌకిక ఆనందానికి, 

నన్ను నడిపించు !