శ్రీగురుని చరణాల భజియించు మనసా !
శ్రీగురుని చరణాల భజియించు మనసా !
శ్రీధరుడే శరణని స్మరియించు మనసా !
గురు రూపమున నుండు సకల దేవతలు
గురు వాక్కున నుండు సకల మంత్రాలు
గురు పాదుకలనుండు సకల తీర్థాలు
గురునెరింగిన జన్మధన్యమే మనసా !
గురు వరద హస్తమే భవరోగహరణం
గురు రక్ష కవచమే ఆపన్నివారణం
గురు కృపా దృష్టియే భవసాగర తరణం
గురుసేవతో నీవు తరియించు మనసా !
గురు దర్శనమే నీకు శుభదాయకం
గురు బోధలే నీకు మధు సేవనం
గురు నామమే నీకు శుభ తారకం
గురు సన్నిధే సిసలైన పెన్నిధే మనసా !
- భావరాజు పద్మిని
08/10/2014
No comments:
Post a Comment